ஆத்தூர் : நாட்டுத் துப்பாக்கியால் மானை வேட்டையாடிய இருவர் கைது

சேலம் மாவட்டம் ஆத்தூர் அருகே உள்ள பெத்தநாயக்கன் பாளையத்தில் ஆத்தூர் வனக்கோட்டத்திற்குட்பட்ட மண்ணூர் காப்புக்காடு, ஒட்டுக்கல் ஓடை பகுதியில் வனவிலங்குகளை வேட்டையாடுவதாக ஆத்தூர் வன அலுவலகத்திற்கு தகவல் கிடைத்தது. இதை எடுத்து ஆத்தூர் வனச்சரக அலுவலர் செந்தில்குமார் தலைமையிலான வனத்துறையினர் தீவிர கண்காணிப்பு பணியில் ஈடுபட்டனர். அவ்வழியே வந்தவர்கள் வனத்துறையினரை கண்டதும் தப்பி ஓடினர் வனத்துறையினர் அவர்களை மடக்கி பிடித்து விசாரணை மேற்கொண்டதில் அவர்கள் பாலாண்டியூர் பகுதியைச் சேர்ந்த மூர்த்தி (40), சாமுண்டி (54) ஆகியோர் என்பது தெரியவந்தது.மேலும் அவர்கள் வனவிலங்கான மானை நாட்டு துப்பாக்கியால் வேட்டையாடியதும் தெரிய வந்தது. இருவரையும் கைது செய்த வனத்துறையினர் அவர்களிடமிருந்து மூன்று நாட்டு துப்பாக்கிகளும் மான் இறைச்சியையும் பறிமுதல் செய்தனர். மேலும் தப்பி ஓடிய வெங்கடாசலம், ராஜீ ஆகிய இருவரையும் வனத்துறையினர் தேடி வருகின்றனர்.