ஆட்டோ டிரைவர் மீது தாக்குதல் - அண்ணன், தம்பி கைது

கன்னியாகுமரி மாவட்டம் திங்கள்சந்தை அருகே உள்ள பொத்தக்கரைவிளை பகுதியை சேர்ந்தவர் மனோகரன் (51). ஆட்டோ டிரைவர். இவர் கடந்த 4-ம் தேதி மதியம் வீட்டில் இருந்தபோது அவரது வீட்டு முன்பு உள்ள ஒரு தோட்டத்தில் மரம் அறுக்கும் இயந்திரத்தை பயன்படுத்தும் சத்தம் கேட்டுள்ளது. உடனே மனோகரன் சென்று பார்த்தபோது அங்கு தோட்டத்தில் நின்ற மரங்களை அதே பகுதியை சேர்ந்த தங்கசாமி மகன்கள் ராஜ் (50), ஜெகன் (43) ஆகிய இரண்டு பேரும் இயந்திரத்தை பயன்படுத்தி வெட்டிக் கொண்டிருந்தனர். அவர்களிடம் சந்தன மரத்தை ஏன் ? வெட்டுகிறார்கள் என மனோகரன் கேட்டுள்ளார்.

இதனால் ஆத்திரமடைந்த அவர்கள் ரெண்டு பேரும் சேர்ந்து தகாத வார்த்தை பேசி, மனோகரனை இரும்பு கம்பியால் தாக்கி கொலை மிரட்டல் விடுத்து தப்பி சென்றனர். இதில் பலத்த காயம் கடந்தவரை உறவினர்கள் மீது ஆசாரிப்பள்ளம் அரசு ஆஸ்பத்திரியில் சிகிச்சைக்கு சேர்த்தனர். அங்கு அவருக்கு தீவிர சிகிச்சை அளிக்கப்பட்டு வருகிறது. இது குறித்த புகாரின் பேரில் ராஜ் ஜெகன் இரண்டு பேர் மீதும் நான்கு பிரிவுகளில் இரணியல் போலீசார் வழக்கு செய்து அவர்களை கைது செய்தனர்.