கல்வித்துறையில் சிறப்பாக பணியாற்றிவா்களுக்கு விருது

இ.ஜி.என். நிறுவனம் சார்பில் ஆண்டு தோறும் கல்வித் துறையில் சிறந்த பங்களிப்பாற்றி வரும் கல்வியாளர்களை தேர்ந்தெடுத்து விருது வழங்கி அங்கீகரித்து வருகிறது. அதன் அடிப்படையில் இந்தாண்டு விருது வழங்கும் நிகழ்ச்சியில் விநாயகா மிஷன் பல்கலைக்கழகத்திற்கு உட்பட்ட அலைடு ஹெல்த் சயின்ஸ் துறைகளின் டீன் டாக்டர் செந்தில்குமாருக்கு கல்வி துறையில் சிறந்த ஊக்கமளிக்கும் கல்வியியல் தலைவர் என்று விருது வழங்கப்பட்டு கவுரவிக்கப்பட்டுள்ளது. நிகழ்ச்சியில் பல்வேறு கல்வி நிறுவன தலைவர்கள், வல்லுனர்கள் உள்பட பலர் கலந்து கொண்டனர். கல்வித்துறை வளர்ச்சியில் ஓர் விதிவிலக்கான பங்களிப்பை தொடர்ந்து மேற்கொண்டு சேவையாற்றி வருவதை மையமாக கொண்டு இவ்விருது வழங்கப்பட்டுள்ளது. இந்த விருதை பெற்றதற்காக டீன் செந்தில்குமாருக்கு பல்கலைக்கழகத்தின் வேந்தர் டாக்டர் கணேசன் மற்றும் துணைத்தலைவர் டாக்டர் அனுராதா கணேசன் மற்றும் துறை பேராசிரியர்கள் ஆகியோர் வாழ்த்துகளையும், பாராட்டுகளையும் தெரிவித்தனர்.