சாஸ்த்ரா நிகர்நிலைப் பல்கலைக்கழகத்தில் 4 பேருக்கு விருது

தஞ்சாவூர் அருகே வல்லம் சாஸ்த்ரா நிகர் நிலைப் பல்கலைக்கழகத்தில் சாஸ்த்ரா தேசிய அறிவியல் நாள் விருதுகள் வழங்கும் விழா நடைபெற்றது. நிகழ்ச்சியில் பல்கலைக்கழக துணைவேந்தர் எஸ்.சுப்பிரமணியன் வரவேற்றார்.

இந்த நிகழ்வில் ஆயுர்வேத துறை நிபுணரான புனே சாவித்திரி பூலே பல்கலைக்கழக பேராசிரியர் (ஆயுஷ்) பூஷன் பட்டவர்த்தனுக்கு சாஸ்த்ரா மகா மனா விருதும், இயற்பியலில் சிறந்த விளங்கும் பெங்களூர் தேசிய உயராய்வு மையத்தின் ஹோமி பாபா ஆய்விருக்கை பேராசிரியர் தினேஷ் கே.ஸ்ரீவத்சவாவுக்கு, சாஸ்த்ரா ஜி.என்.ராமச்சந்திரன் விருதும், வேதியியல் மற்றும் பொருள் அறிவியல் துறையில் சிறந்த விளங்கும் மும்பை இந்திய வேதியல் தொழில்நுட்ப பேராசிரியர் ஜி.டி.யாதவ், ஆஸ்திரேலியா ஆர்ஐஎம்டி பல்கலைக்கழக பேராசிரியர் சுரேஷ் பார்கவாவிற்கு சாஸ்த்ரா சி.என்.ஆர் ராவ் விருது வழங்கப்பட்டது.

இந்த விருதுகளை காரைக்குடி மத்திய மின் வேதியல் ஆய்வுக் கழக இயக்குனர் கே. ரமேஷா வழங்கினார். விருது பெரும் ஒவ்வொருவருக்கும் தலா ரூபாய் 5 லட்சம் ரொக்கப் பரிசும், பாராட்டு மடலும் வாசித்து வழங்கப்பட்டது. நிறைவாக பல்கலைக்கழக திட்டம் மற்றும் மேம்பாட்டு துறை முதன்மை ஸ்வாமிநாதன் நன்றி கூறினார்..