மின்சாரம் சேமிப்பு குறித்து விழிப்புணர்வு பிரசாரம்

காஞ்சிபுரம் மின் பகிர்மான வட்டம் சார்பில், காஞ்சிபுரம் அறிஞர் அண்ணா பேருந்து நிலையத்தில், மின்சாரம் சேமிப்பு குறித்து, வாகன விழிப்புணர்வு பிரசாரம் நடந்தது. இந்த வாகன விழிப்புணர்வு பிரசாரத்திற்கு, தலைமை பொறியாளர் சந்திரசேகரன் தலைமை வகித்தார். காஞ்சிபுரம் கலெக்டர் கலைச்செல்வி சிறப்பு விருந்தினராக பங்கேற்று, விழிப்புணர்வு பேரணி கொடியசைத்து துவக்கி வைத்தார். அதை தொடர்ந்து, மின்சாரம் சிக்கனமாக பயன்படுத்துவது குறித்து, துண்டு பிரசுரம் வழங்கி விழிப்புணர்வு ஏற்படுத்தினார். காஞ்சிபுரம் மாவட்ட வருவாய் அலுவலர் வெங்கடேஷ், காஞ்சிபுரம் மின் பகிர்மான வட்ட மேற்பார்வை பொறியாளர் சுனில்குமார் உள்ளிட்டோர் பங்கேற்றனர்.