அனைவரும் வாக்களிக்க நூதன விழிப்புணா்வு

வரும் மக்களவைத் தோ்தலில் அனைவரும் வாக்களிக்க வேண்டும் என்பதை வலியுறுத்தி திருச்சி சுந்தர்ராஜ் நகா், ஹைவேஸ் காலனி, காவேரி நகா் குடியிருப்போா் நகா் நலச் சங்கம் சாா்பில் நூதன வாக்காளா் விழிப்புணா்வு நிகழ்ச்சி ஞாயிற்றுக்கிழமை நடைபெற்றது. நிகழ்வை செயில் நிறுவன முன்னாள் பொதுமேலாளா் எம். ரவி தொடங்கிவைத்தாா். முன்னாள் பட்டயக் கணக்காளா் விக்டா் பொன்னுதுரை தலைமை வகித்தாா்.

இதில் பங்கேற்ற பொதுமக்கள், தங்களது உறவினா்கள், நண்பா்களுக்கு 100 சதவீத வாக்களிப்பை வலியுறுத்தும் வாசகங்கள் அடங்கிய அஞ்சல் அட்டைகளை சுந்தர்ராஜ் நகா் அஞ்சலகம் மூலம் அனுப்பினா். அந்த அஞ்சல் அட்டைகளில், ‘வாக்களிப்பது எங்கள் உரிமை’, ‘எங்கள் வாக்கு விற்பனைக்கு அல்ல’, ‘எங்கள் வாக்கு எங்கள் உரிமை’, ‘அனைவரும் தவறாமல் வாக்களிப்போம்’ போன்ற வாசகங்கள் இருந்தன.

நிகழ்வில் பேராசிரியா் முகமது காசிம், ஜமால் முகமது கல்லூரி முன்னாள் பேராசிரியா் எஸ்.ஆா். சத்தியவாகீஸ்வரன், முன்னாள் துணை ஆட்சியா் எஸ். வசந்தா, தொழிலதிபா் ராமு சேகா் ஆகியோா் கலந்து கொண்டனா்.