செஞ்சியில் சைபர் கிரைம் குற்றத்தடுப்பு குறித்த விழிப்புணர்வு

விழுப்புரம் மாவட்ட சைபர் கிரைம் போலீசார் சார்பில் சைபர் கிரைம் குற்றத்தடுப்பு குறித்த விழிப்புணர்வு நிகழ்ச்சி செஞ்சியில் நடைபெற்றது. இதில் மாவட்ட சைபர் கிரைம் பிரிவு இன்ஸ்பெக்டர் சங்கீதா தலைமையில் போலீசார் கலந்து கொண்டு பெருகிவரும் இணைய வழி குற்றங்கள், அதனால் ஏற்படும் பாதிப்புகள், அவற்றிலிருந்து கவனமுடன் இருக்க போதுமான வழிமுறைகள் குறித்தும் குறிப்பாக ஆன்லைன் விளையாட்டுகள், சமூகவலைதளங்களில் நடைபெறும் குற்றங்களை தடுப்பது குறித்த வாசகங்கள் அடங்கிய துண்டு பிரசுரங்களை பொது மக்களிடம் வினியோகம் செய்தனர். மேலும் நடமாடும் வாகனத்தில் பொறுத்தப்பட்ட அகன்ற திரை மூலம் வீடியோ காட்சிகளை ஒளிபரப்பி விழிப்புணர்வு ஏற்படுத்தினர்.