சாலைப் பாதுகாப்பு குறித்த விழிப்புணா்வு

திண்டுக்கல் மாவட்டம், கொடைரோடு சுங்கச் சாவடி அருகே, திண்டுக்கல் - மதுரை தேசிய நான்கு வழிச் சாலையில், இரு சக்கரம், நன்கு சக்கர வாகன ஓட்டிகளுக்கு சாலைப் பாதுகாப்பு குறித்த, விழிப்புணா்வு துண்டறிக்கை வழங்கப்பட்டது. வத்தலக்குண்டு வட்டாரப் போக்குவரத்து ஆய்வாளா் ஜாஸ்மின் தலைமை வகித்தாா். மாவட்ட போக்குவரத்து ஆய்வாளா் சுரேஷ் முன்னிலை வகித்தாா்.இந்த நிகழ்ச்சியில், நத்தம் போக்குவரத்து ஆய்வாளா் கருப்பசாமி, வேடசந்தூா் வட்டாரப் போக்குவரத்து ஆய்வாளா் அருண் ஆனந்த், திண்டுக்கல் போக்குவரத்து ஆய்வாளா் இளங்கோவன் உள்ளிட்ட அதிகாரிகள், போக்குவரத்து அலுவலக பணியாளா்கள் உள்ளிட்டோா் கலந்து கொண்டனா்.