பள்ளி மாணவர்களின் விழிப்புணர்வு பேரணி

செங்கல்பட்டு மாவட்டத்தில் சாரணர் இயக்கத்தை தோற்றுவித்த லாட் ராபர்ட் பேடன் பவல் அவர்களின் பிறந்த தினமான நேற்று,செய்யூர் புனித மரியன்னை உயர்நிலைப் பள்ளியின் சார்பில், உலக சிந்தனை நாள் பேரணியானது இயற்கை வளம் காத்தல் மற்றும் போதைப்பொருள் எதிர்ப்பு விழிப்புணர்வை ஏற்படுத்தும் வகையில் நடைபெற்றது. இப்பேரணிக்கு செய்யூர் காவல் நிலையத்தின் உதவி ஆய்வாளர் அவர்கள் சிறப்பு அழைப்பாளராக கலந்து கொண்டு கொடியசைத்து துவக்கி வைத்தார், முன்னதாக பள்ளியின் தலைமை ஆசிரியர் ஜேம்ஸ்ராபர்ட் மற்றும் சாரண பொறுப்பாசிரியர்‌ மார்ட்டின் ஜோதி பொன்னாடை அணிவித்து வரவேற்றார்கள். சாரண மாணவர்கள் ஆர்வமுடன் விழிப்புணர்வு வாசகங்களை கூறியும் , பதாகைகளை கையிலேந்தியும் பேரணியில் பங்கு பெற்றனர்..பள்ளியின் பிற ஆசிரியர்களும் மாணவர்களை ஒருங்கிணைத்து சென்றிட உதவி செய்தார்கள். காவல் துறை அதிகாரி அவர்களும் துணைக் காவலரும் பேரணி சிறப்புடன் நடை பெற்றிட பேரணி முழுவதும் உடனிருந்து பாதுகாப்பு வழங்கினார்கள், விழிப்புணர்வு பேரணியானது பள்ளி வளாகத்தில்‌தொடங்கி பஜார்வீதி வழியாக வட்டாட்சியர் அலுவலகம் வரைச் சென்று‌மீண்டும் பள்ளி வளாகத்தில் நிறைவு பெற்றது.