பாபர் மசூதி இடிப்பு தினம்: பலத்த போலீஸ் பாதுகாப்பு

நாளை மறுதினம் பாபர் மசூதி இடிப்பு தினம் காரணமாக தென்காசி மாவட்டத்தில் போலீஸ் பாதுகாப்பு பலப்படுத்தப்பட்டுள்ளது.

தென்காசி போலீஸ் சூப்பிரண்டு சுரேஷ்குமார் உத்தரவின் பேரில் 4 டிஎஸ்பிகள் தலைமையில் 1000க்கும் மேற்பட்ட போலீசார் பாதுகாப்பு பணியில் ஈடுபட உள்ளனர். இதனால் ஆழ்வார்குறிச்சி சேத்தூர் புளியரை தென்காசி- நெல்லை பைபாஸ் உள்ளிட்ட நான்கு இடங்களில் சோதனை சாவடிகள் அமைத்து தீவிர வாகன சோதனையில் ஈடுபடுகின்றனர். இதுபோல் சங்கரன்கோவில்,கடையநல்லூர், வாசுதேவநல்லூர் உள்ள பகுதிகளிலும் காவல்துறை பாதுகாப்பு பணியில் ஈடுபட்டு வருகின்றனர்.