பங்காரம் லட்சுமி கல்லுாரியில் மாணவர் சேர்க்கை துவக்கம்

பங்காரம் லட்சுமி கல்லுாரியில் மாணவர் சேர்க்கை துவக்க விழா நடந்தது. கள்ளக்குறிச்சி அடுத்த பங்காரம் லட்சுமி கலை மற்றும் அறிவியல் கல்லுாரியில் 2024-25ம் கல்வி ஆண்டிற்கான மாணவர் சேர்க்கை துவக்க விழா நடந்தது. விழாவிற்கு கல்லுாரி தாளாளர் மணிவண்ணன் தலைமை தாங்கினார். செயலாளர் முருகப்பன், இயக்குனர் சரவணன், பொருளாளர் சாந்தி, ஒருங்கிணைப்பாளர் சிவக்குமார் முன்னிலை வகித்தனர். கல்வி நிறுவன முதல்வர்கள் சிராஜ்தீன், பாஸ்கரன் ஆகியோர் வாழ்த்துரை வழங்கினர். நிகழ்ச்சியில் மாணவர்கள் தங்களது பெற்றோருடன் வருகை புரிந்து ஆர்வத்துடன் முதுகலை மற்றும் பி.எட்., சேர்ந்தனர். மேலும் இளங்கலை பட்டபடிப்பு மாணவர்கள் சேர்க்கைக்கான முன்பதிவும் நடந்தது. கல்லுாரி கணினி துறை தலைவர் செந்தில்குமரன் சேர்க்கைக்கான வழிகாட்டல் நெறிமுறைகளை குறித்து எடுத்துரைத்தார். கல்லுாரி துறை தலைவர்கள், பேராசிரியர்கள் மற்றும் பெற்றோர்கள், மாணவர்கள் பலர் பங்கேற்றனர். கல்லுாரி துணை தலைவர் சக்திவேல் நன்றி கூறினார்.