தேவாலயத்தில் தேன் கூடு - அகற்றிய தீயணைப்பு துறையினர்

சேலம் மாவட்டம் கெங்கவல்லி வட்டம் தம்மம்பட்டி அடுத்த கோனேரிப்பட்டியில் புனித சலேத் அன்னை ஆலயம் அமைந்துள்ளது. கிறிஸ்துமஸ்பண்டிகையை வரவேற்கும் விதமாக பல்வேறு நிகழ்ச்சிகள் நடைபெற்று வருகிறது. இந்நிலையில் தேவாலயத்தின் மேற்பகுதியில் தேனீக்கள் கூடு கட்டி இருந்தது.கிறிஸ்துமஸ் திருவிழாவின் போது, வண்ண விளக்குகள் மூலம் அலங்கரிக்கும்போதும், வானவேடிக்கை நடத்தும் போதும், ஏதாவது அசம்பாவிதம் ஏற்படவாய்ப்புள்ளது என நினைத்த நிர்வாகத்தினர். இதுகுறித்து கெங்கவல்லி தீயணைப்பு நிலையத்திற்கு தகவல் தெரிவித்தனர். நிலைய அலுவலர் (பொ) செல்லப் பாண்டியன் தலைமையில் வந்த தீயணைப்பு வீரர்கள், தண்ணீரை பீய்ச்சியடித்து தேன்கூட்டை முற்றிலுமாக அகற்றினர்.