சங்கரா கல்லுாரி மாணவர்களுக்கு சிறந்த மாணவர் விருது

சங்கரா கலை மற்றும் அறிவியல் கல்லுாரி முதல்வர் கலைராம வெங்கடேசன் கூறியதாவது: புதுடில்லியில் நடந்த குடியரசு தின விழாவில் பங்கேற்று, சிறப்பாக செயல்பட்டதற்காக காஞ்சிபுரம் சங்கரா கலை மற்றும் அறிவியல் கல்லுாரியில் பி.காம்., இரண்டாமாண்டு பயிலும் மாணவர் பிரதீப்குமார். புதுச்சேரியில் நடந்த சிறப்பு முகாமில் பங்கேற்ற கணினி அறிவியல் மூன்றாமாண்டு மாணவர் சஞ்சய் ஆகிய இருவருக்கும் சிறந்த மாணவர் விருது வழங்கப்பட்டுள்ளது.

சிறந்த மாணவர்களை உருவாக்கியதற்காக, காஞ்சிபுரம் சங்கரா கல்லுாரிக்கு விருதும், பாராட்டு சான்றிதழும் வழங்கப்பட்டுள்ளது. விருதையும், பாராட்டு சான்றிதழையும், சென்னை, மாங்காடில் உள்ள தனியார் பள்ளியில் நடந்த விழாவில் தமிழக, புதுச்சேரி, அந்தமான் நிக்கோபார் இயக்குனரகத்தின் தேசிய மாணவர் படையின் இயக்குனர் அதுல்குமார் ரஸ்தோகி வழங்கினார். இவ்வாறு அவர்கூறினார்.