ராஜாக்கமங்கலத்தில் பாரதிய ஜனதா ஆர்ப்பாட்டம்

கன்னியாகுமரி மாவட்டத்தில் ஊராட்சிகளை பேரூராட்சிகளுடன் இணைப்பதற்கும், பேரூராட்சிகளாக மாற்றுவதையும் கண்டித்து ராஜாக்கமங்கலம் ஒன்றிய பா.ஜ.க சார்பாக ஆர்ப்பாட்டம் நடைபெற்றது. மாவட்ட துணைத்தலைவர் சொக்கலிங்கம் தலைமை வகித்தார். இராஜாக்கமங்கலம் ஒருங்கிணைந்த ஒன்றிய தலைவர்கள் பொன் சுரேஷ் , ராஜேஷ் முன்னிலை வகித்தனர். நடைபெற்ற ஆர்ப்பாட்டத்தில் நாகர்கோவில் சட்டமன்ற உறுப்பினர் எம். ஆர் காந்தி கண்டன உரையாற்றினார். ஊராட்சி தலைவர்கள் முத்து சரவணன், ஜெகதீஷ்வரி உட்பட பலர் கலந்து கொண்டனர்.