ரிஷிவந்தியம் அரசு பள்ளியில் பாரதியார் பிறந்தநாள் விழா

ரிஷிவந்தியம் அரசுமேல்நிலைப் பள்ளியில் 142வது பாரதியார் பிறந்த நாள் விழா கொண்டாடப்பட்டது. தலைமை ஆசிரியர் ஞானசேகரன் தலைமை தாங்கினார். ரிஷிவந்தியம் தமிழ்ச்சங்கத் தலைவர் ராஜகோபால்,கவிச்சக்கரவர்த்தி கம்பன் கழகத் தலைவர் நல்லாப்பிள்ளை, மனவளக்கலை மன்ற நிர்வாகி குணசேகரன் முன்னிலை வகித்தனர். முதுகலை ஆசிரியர் துளசிவர்மன் வரவேற்றார்.

திருக்குறள் பேரவைத் தலைவர் நெடுஞ்செழியன், பெற்றோர் ஆசிரியர் கழக நிர்வாகிகள், பள்ளி மேலாண்மைகுழு உறுப்பினர்கள் உட்பட பலர் பங்கேற்றனர். நிகழ்ச்சியில்,பாரதியாரின் சிலைக்கு மாலை அணிவித்து மரியாதை செலுத்தப்பட்டது. தொடர்ந்து, மாணவர்களுக்கு பல்வேறு போட்டிகள் நடத்தப்பட்டு வெற்றி பெற்றவர்களுக்கு சான்றிதழ், கேடயம் வழங்கப்பட்டது.