இல்லம் தேடி கல்வி சார்பில் பாவேந்தர் பாரதிதாசன் பிறந்தநாள் விழா

நாமக்கல் மாவட்டம், குமாரபாளையம் மேற்கு காலனி பகுதியில் நடைபெற்று வரும் இல்லம் தேடி கல்வி மையத்தில் பாவேந்தர் பாரதிதாசன் ஐயாவுக்கு விடியல் ஆரம்பம் பவுண்டேஷன் சார்பில் பிறந்தநாளில் மலர்மாலை அணிவித்து விழா கொண்டாடப்பட்டது. மாணவ மாணவிகள் பாவேந்தர் பாரதிதாசன் இயற்றிய பிசிராந்தையார் நாடகத்தை வெகு சிறப்பாக நடித்துக் காட்டினார்கள். மேலும் அவர்களுக்கு கட்டுரை போட்டி பேச்சுப்போட்டி வைக்கப்பட்டு போட்டியில் வெற்றி பெற்ற மாணவர்களுக்கு விடியல் பிரகாஷ் சான்றிதழ் மற்றும் பரிசு புத்தகங்கள் வழங்கினார். மேலும் விழாவில் ஆசிரியர் முத்தழகு இல்லம் தேடிக் கல்வி தன்னார்வலர் சங்கீதா மற்றும் தீனா ,ராதாமணி,மற்றும் பெற்றோர்கள் கலந்து கொண்டு சிறப்பித்தனர்.