புதிய திட்ட பணிகளுக்கு எம்எல்ஏ பூமி பூஜை !

சேலம் மாவட்டம், சங்ககிரி வட்டம், இடங்கணசாலை நகராட்சிக்குட்பட்ட பல்வேறு பகுதிகளில் சட்டமன்ற உறுப்பினர் மேம்பாட்டு நிதியிலிருந்து சுமார் 70 லட்சம் ரூபாய் மதிப்பீட்டில் புதிய திட்ட பணிகளுக்கு பூமி பூஜை செய்தும் முடிவுற்ற பணிகளை தொடங்கி வைக்கும் நிகழ்ச்சி நடைபெற்றது. இதில் சங்ககிரி சட்டமன்ற உறுப்பினர் சுந்தரராஜன் கலந்து கொண்டு ஏழுமாத்தனூர் பகுதியில் 15.லட்சம் ரூபாய் மதிப்பீட்டில் புதிய அங்கன்வாடி மையம் மற்றும் மாட்டையாம்பட்டி, நடராஜ் தியேட்டர் வீதி, மடத்தூர், மாரிமுத்தான் வளவு உள்ளிட்ட பகுதிகளில் 41.லட்சம் ரூபாய் மதிப்பீட்டில் புதிய கான்கிரீட் சாலைகள் அமைப்பதற்கு பூமி பூஜையும், இதேபோல் சித்தர் கோவில் பகுதியில் 14 லட்சம் ரூபாய் மதிப்பீட்டில் கட்டி முடிக்கப்பட்ட புதிய அங்கன்வாடி மையத்தை ரிப்பன் வெட்டி குத்துவிளக்கேற்றி தொடங்கி வைத்து பொது மக்களுக்கு இணைப்புகளை வழங்கியும் சிறப்பித்தார். அப்போது இடங்கணசாலை அதிமுக நகரச் செயலாளர் சிவலிங்கம் உட்பட அதிமுக நிர்வாகிகள் தொண்டர்கள் பொதுமக்கள் என ஏராளமானோர் இதில் கலந்துகொண்டனர்.