புதிய ரேஷன் கடை கட்டிடம் கட்ட பூமி பூஜை

திருவண்ணாமலை திருவண்ணாமலை நகராட்சிக்குட்பட்ட 25வது வார்டு பெரும்பாக்கம்ரோடு, சந்தைமேடு பகுதியில் நமக்கு நாமே திட்டத்தின்கீழ் புதிய ரேஷன் கடை கட்டிடம் கட்ட ரூ.16.50 லட்சம் மதிப்பிலும் சுற்றுச்சுவர் அமைத்திட ரூ.9.60 லட்சம் மதிப்பிலும் மொத்தம் ரூ.26.10லட்சம் மதிப்பில் புதிய ரேஷன்கடை கட்டுமான பணி மற்றும் சுற்றுச்சுவர் அமைத்தல் பணிக்கு பூமி பூஜை செய்து தொடங்குவதற்கான பணி நிகழ்ச்சி நேற்று முன்தினம் நடைபெற்றது. இ

ந்த நிகழ்ச்சிக்கு நகராட்சி ஆணையாளர் ந.தட்சிணாமூர்த்தி தலைமை தாங்கினார். செயற்பொறியாளர் நீலேஸ்வரன் முன்னிலை வகிக்க, 25வது வார்டு நகரமன்ற உறுப்பினர் ஸ்ரீதேவி பழனி அனைவரையும் வரவேற்றார் சிறப்பு அழைப்பாளராக கலந்து கொண்டு திருவண்ணாமலை மாவட்ட மூத்தோர் தடகள சங்க தலைவரும் நகரசெயலாளருமான ப.கார்த்திவேல்மாறன், புதிய ரேஷன்கடை கட்டுவதற்கான பணிக்கு பூமிபூஜை செய்து பணியை தொடங்கிவைத்தார்.

இதில் அரசு ஒபந்ததாரர் அய்யப்பன், நகராட்சி உதவி பொறியாளர் ரவி வட்ட செயலாளர் ஆர்.கே.பாஸ்கர் வட்ட பிரதிநிதி வி.சுரேஷ்குமார் தூய்மை அருணை காவலர்கள் என்.குமரேசன், எம்.இளங்கோ மற்றும் உள்ளாட்சி பிரதிநிதிகள் 25வது வார்டு பொதுமக்கள் கலந்து கொண்டனர்.