சாலைப் பணிகள் அமைப்பதற்கான பூமி பூஜை - எம்பி எம்எல்ஏ பங்கேற்பு

செங்கல்பட்டு மாவட்டம் ஊரக வளர்ச்சி மற்றும் ஊராட்சி துறை காட்டாங்கொளத்தூர் ஊராட்சி ஒன்றியம் ஊரப்பாக்கத்தில் நகர்ப்புற கிராம ஊராட்சிகளில் சாலைகள் மேம்படுத்துதல் திட்டத்தில் ஊரப்பாக்கம், மண்ணிவாக்கம், வண்டலூர், காரணைபுதுச்சேரி ஆகிய ஊராட்சிகளில் சாலைகள் அமைத்தல் பணிகள் துவக்க விழா,செங்கல்பட்டு சட்டமன்ற உறுப்பினர் வரலட்சுமி மதுசூதனன் தலைமையில் நடைபெற்றது. இந்த நிகழ்ச்சியில் காஞ்சி நாடாளுமன்ற உறுப்பினர் க.செல்வம் அடிக்கல் நாட்டி பணிகளை துவங்கி வைத்தார் . உடன் காட்டாங்குளத்தூர் ஒன்றிய குழு தலைவர் உதயா கருணாகரன், வட்டார வளர்ச்சி அதிகாரிகள், ஊராட்சி மன்ற தலைவர்கள், ஒன்றிய கவுன்சிலர்கள், வார்டு உறுப்பினர்கள், திமுக நிர்வாகிகள் மற்றும் பொதுமக்கள் கலந்து கொண்டனர்.