நாடக மேடை அமைக்கும் பணிக்கு பூமி பூஜை

தே. அய்யம்பாளையத்தில் புதிய நாடக மேடை அமைக்கும் பணிக்கு பூமி பூஜை. கரூர் மாவட்டம் கடவூர் ஊராட்சி ஒன்றியத்துக்கு உட்பட்ட தேவர்மலை ஊராட்சியில் உள்ள தே. அய்யம்பாளையம் பகுதியில், கிருஷ்ணராயபுரம் சட்டமன்ற உறுப்பினர் தொகுதி மேம்பாட்டு நிதியிலிருந்து ரூபாய் 8. 50 லட்சம் மதிப்பீட்டில் புதிய நாடக மேடை அமைக்கும் பணிக்கான பூமி பூஜை நடைபெற்றது.

இந்த பூமி பூஜை விழாவில் பங்கேற்று பணிகளை துவக்கி வைத்தார் கிருஷ்ணராயபுரம் சட்டமன்ற உறுப்பினர் சிவகாமசுந்தரி. இந்த நிகழ்ச்சியில் தேவர் மலை ஊராட்சி மன்ற தலைவர் நக்கீரன் தரகம்பட்டி வட்டார வளர்ச்சி அலுவலர் ராஜேந்திரன் தேவர்மலை ஊராட்சி மன்ற செயலாளர் சசிகுமார், உள்ளாட்சி பிரதிநிதிகள், ஊர் பொதுமக்கள் உள்ளிட்டோர் கலந்து கொண்டு பூமி பூஜை விழாவை சிறப்பித்தனர்.