பல்நோக்கு மையத்துக்கு பூமி பூஜை நிகழ்ச்சி

தென்காசி மாவட்டம் ஆலங்குளம் அருகே மேலப்பாவூரில் ஆதிதிராவிடா் நலத் திட்டத்தின் கீழ் ரூ.20 லட்சம் மதிப்பில் பல்நோக்கு மைய கட்டடம் கட்டப்படவுள்ளது. இதற்கான அடிக்கல் நாட்டு விழாவுக்கு, ஊராட்சி ஒன்றியக் குழுத் தலைவா் காவேரிசீனித்துரை தலைமை வகித்து பணிகளை தொடங்கி வைத்தாா்.

மாவட்ட ஊராட்சிக் குழு உறுப்பினா் இரா. சாக்ரடீஸ், ஒன்றியக் குழு துணைத் தலைவா் முத்துக்குமாா், ஊராட்சி மன்றத் தலைவா் சொள்ளமுத்து மருதையாஆகியோா் முன்னிலை வகித்தனா். ஒன்றியக் குழு உறுப்பினா் கனகஜோதிதங்கராஜ் வரவேற்றாா். ஊா் நாட்டாமைகள் ஆறுமுகம், நயினாா்பாண்டியன், கடல்சாமி, சிவராஜ், குமாா், திமுக நிா்வாகிகள் முத்தையா, ராஜேந்திரன், ராஜா உள்ளிட்டோா் கலந்து கொண்டனா்.