கரூர் அருகே தார் சாலை அமைக்க பூமி பூஜை: எம்எல்ஏ பங்கேற்பு.

கரூர் மாவட்டம், கிருஷ்ணராயபுரம் சட்டமன்ற தொகுதிக்கு உட்பட்ட, தாந்தோணி ஊராட்சி ஒன்றியத்தில் உள்ள தாளப்பட்டி ஊராட்சி பகுதியில், செங்காளிபாளையம் முதல் குங்கும காளியம்மன் கோவில் வரை, ரூபாய் 15 லட்சம் மதிப்பீட்டில் தார் சாலை மேம்படுத்தும் பணிக்கான பூமி பூஜை, செங்காளி பாளையத்தில், கிருஷ்ணராயபுரம் எம்எல்ஏ சிவகாமசுந்தரி தலைமையில் நடைபெற்றது.

பூமி பூஜை முடிந்த பிறகு தார் சாலை அமைக்கும் பணியை துவக்கி வைத்தார் எம்எல்ஏ சிவகாமசுந்தரி. இந்த நிகழ்ச்சியில் தாந்தோணி மேற்கு ஒன்றிய செயலாளர் கோயம்பள்ளி பாஸ்கர், காளப்பட்டி ஊராட்சி மன்ற தலைவர் லதா முருகேசன், முன்னாள் திமுக மாவட்ட துணைச் செயலாளர் ரமேஷ்பாபு உள்ளிட்ட கட்சி நிர்வாகிகள், அரசுத்துறை அதிகாரிகள், உள்ளாட்சி பிரதிநிதிகள் கலந்து கொண்டு பூமி பூஜை விழாவை சிறப்பித்தனர்.