பைக்- கார் மோதல்: 3 பேர் பலி

தஞ்சாவூர் மாவட்டம், ஒரத்தநாடு பனையக்கோட்டையை சேர்ந்தவர் வீரையன் மகன் ரவி (45).ராஜேந்திரன் மகன் ஐயப்பன் (22), சௌந்தரராஜன் மகன் சக்திவேல் (25) மூன்று பேரும் தீபாவளி பண்டிகையையொட்டி, ரவியின் மகளை பார்க்க மன்னார்குடியை அடுத்துள்ள கட்டக்குடிக்கு ஒரே இருசக்கர வாகனத்தில் சென்றனர்.

பின்னர் மூவரும் இருசக்கர வாகனத்தில் மீண்டும் ஊருக்கு திரும்பி கொண்டிருந்தனர் மன்னார்குடி தஞ்சை பிரதான சாலையில் வடுவூர் புதுக்கோட்டை விநாயகர் கோயில் குளம் அருகே இருசக்கர வாகனம் வந்தபோது, செருமங்கலம் பிரதான சாலையைச் சேர்ந்த கலைமாறன் மகன் ஐயன் (20) ஓட்டி வந்த கார் இருசக்கர வாகனத்தின் மீது மோதியது.

இதில் பலத்த காயமடைந்த ரவி, ஐயப்பன், சக்திவேல் மூன்று பேரும் சம்பவ இடத்திலேயே உயிரிழந்தனர். தகவலறிந்த வடுவூர் காவல்துறையினர், மூன்று பேரின் சடலங்களையும் உடல் கூறாய்வுக்காக தஞ்சை மருத்துவக் கல்லூரி மருத்துவமனைக்கு அனுப்பி வைத்தனர். கார் ஓட்டுநர் ஐயனை கைது செய்து விசாரித்து வருகின்றனர்.