நெல் குவியலில் பைக் மோதி வாலிபர் பலி

நாகை மாவட்ட கீழ்வேளூர் அருகே குருக்கத்தி மண் ரோடு பகுதியை சேர்ந்தவர் பாலாஜி (வயது 38). கூலி தொழிலாளி .நேற்று முன்தினம் நாகபட்டினத்திற்கு மோட்டார் சைக்கிள் வேலைக்கு சென்று விட்டு வீடு திரும்பி கொண்டு இருந்தார் .நாகை - திருவாரூர் மெயின் ரோட்டில் பனைமேடு பிரிவு சாலை பகுதியில் உள்ள பைபாஸ் சாலையில் ரோட்டின் ஓரமாக குவித்து வைத்திருந்த நெல் குவியல் மீது மோட்டார் சைக்கிள் மோதியதில் வழுக்கி கீழே விழுந்துள்ளார். இதில் பாலாஜிக்கு பலத்த காயங்கள் ஏற்பட்டது. இதைப் பார்த்த அக்கம்பக்கத்தினர் 108 ஆம்புலன்ஸ் மூலம் சிகிச்சைக்காக நாகை அரசு மருத்துவக் கல்லூரி ஆஸ்பத்திரிக்கு அனுப்பி வைத்தனர். அங்கு சிகிச்சை பலனின்றி பாலாஜி பரிதாபமாக இறந்து போனார் இது குறித்து கீழ்வேளூர் போலீசார் வழக்குப்பதிவு செய்து விசாரணை மேற்கொண்டு வருகின்றனர்