அஞ்சுகிராமத்தில் டிரான்ஸ்பார்மரில் பைக் மோதல்: கடை உரிமையாளர் பலி

கன்னியாகுமரி மாவட்டம் அஞ்சு கிராமம் அருகே உள்ள ஜேம்ஸ் டவுன் பகுதியை சேர்ந்தவர் ஜாய் சிங் மகன் சாமுவேல் ( 38). இவருக்கு திருமணம் ஆகி 11 ஆண்டுகளாகிறது. எஸ்தர் என்ற மனைவியும் இரண்டு மகள்களும் உள்ளனர். மனைவி அந்த பகுதியில் உள்ள ஒரு தனியார் பள்ளியில் ஆசிரியையாக பணியாற்றி வருகிறார்.

சாமுவேல் அஞ்சு கிராமத்தில் செல்போன் கடை நடத்தி வருகிறார். நேற்று முன்தினம் இரவு செல்போன் கடையை பூட்டி விட்டு தனது இருசக்கர வாகனத்தில் வீட்டுக்கு சென்று கொண்டிருந்தார். ஜேம்ஸ் டவுன் அருகே வரும்போது எதிர்பாராத விதமாக சாலையோரம் உள்ள மினி டிரான்ஸ்பர் மீது இவரது இருசக்கர வாகனம் மோதியதில் தூக்கி வீசப்பட்டார்.

இதில் தலையின் பின் பகுதியில் படுகாயம் உடைந்த சாமுவேல் அதே இடத்தில் உயிரிழந்தார். இது குறித்து அஞ்சுகிராமம் போலீசார் வழக்கு பதிவு செய்து விசாரணை நடத்தி வருகிறார்கள்.