பைக் - கேரளா பஸ் மோதல் முன்னாள் ராணுவ வீரர் உயிரிழப்பு

கன்னியாகுமரி மாவட்டம் களியக்காவிளை அருகே பகுதியை சேர்ந்தவர் ஜஸ்டின் ராஜ் (49). ஓய்வு பெற்ற ராணுவ வீரர். இவர் கூடங்குளம் அணுமின் நிலையத்தில் செக்யூரிட்டியாக வேலை பார்த்து வந்தார். கடந்த 15ஆம் தேதி வேலைக்கு சென்ற அவர் வேலை முடிந்து மறுநாள் காலை பைக்கில் வீடு திரும்பி கொண்டு இருந்தார். அப்போது வில்லுக்குறி தேசிய நெடுஞ்சாலையில் கார விளையில் வைத்து எதிரே வந்த கேரள அரசு பஸ் மோதி விபத்துக்கு உள்ளானார். அக்கம்பக்கத்தினர் மீட்டு அவரை ஆசாரிப்பள்ளம் அரசு மெடிக்கல் காலேஜ் அனுப்பி வைத்தனர். அங்கிருந்து மேல்சிகிட்சைக்காக திருவனந்தபுரம் தனியார் ஆஸ்பத்திரியில் அனுமதிக்கப்பட்டிருந்தார. அங்கும் சுய நினைவு திரும்ப நிலையில் டாக்டர்கள் அவருக்கு தீவிர சிகிச்சை அளித்து வந்தனர். இந்த நிலையில் நேற்று பரிதாபமாக உயிரிழந்தார். சம்பவம் குறித்து அவரின் மனைவி ஷீஜா என்பவர் கொடுத்த புகாரின் பேரில் கேரளா பஸ்ஸை ஒட்டி வந்து விபத்தை ஏற்படுத்திய கேரளாவை சேர்ந்த வினோத்குமார் (46) என்பவர் மீது இரணியல் போலீசார் வழக்கு பதிவு செய்து விசாரித்து வருகின்றனர்.