பைக் - மினி லாரி மோதல்: வாலிபர் பலி

தூத்துக்குடி அருகே மேல்மாந்தை பகுதியைச் சோ்ந்த கருப்பசாமி மகன் தருண்தாஸ் (19). இவா், தனது நண்பா் இசக்கிராஜாவுடன் நேற்று முன்தினம் பைக்கில் தருவைகுளத்துக்கு சென்று கொண்டிருந்தாராம். கல்மேடு அருகே சென்றபோது அவ்வழியாக வந்த சிறிய ரக சரக்கு லாரி பைக் மீது மோதி விபத்துக்குள்ளானது. இதில், தருண்தாஸ், இசக்கி ராஜா ஆகிய இருவரும் பலத்த காயமடைந்தனா். இருவரையும் மீட்டு தூத்துக்குடி அரசு மருத்துவக் கல்லூரி மருத்துவமனையில் அனுமதித்தனா். அங்கு தருண்தாஸ் நேற்று உயிரிழந்தாா். இதுகுறித்து தருவைகுளம் போலீசார் வழக்குப் பதிந்து விசாரணை நடத்தி வருகின்றனா்.