தூத்துக்குடியில் பைக் திருட்டு: 2 பேர் கைது

தூத்துக்குடி மடத்தூர் தெற்கு தெருவைச் சேர்ந்தவர் சேசுபாலன் மகன் மரிய அந்தோணி அசாேக் (36). இவர் கடந்த 18ஆம் தேதி வீட்டின் முன்பு நிறுத்தியிருந்த அவரது பைக் திருடுபோய்விட்டது. இதன் மதிப்பு ரூ.1லட்சம் ஆகும். இது தொடர்பாக அவர் சிப்காட் காவல் நிலையத்தில் புகார் செய்தார். புகாரின் பேரில் சப் இன்ஸ்பெக்டர் சிவகுமார் வழக்குப் பதிந்து விசாரணை நடத்தி தூத்துக்குடி வள்ளி நாயகபுரத்தைச் சேர்ந்த சுயம்பு லிங்கம் மகன் மாரிசெல்வம் (26), எஸ்எம் புரத்தைச் சேர்ந்த சுப்புராஜ் மகன் சுந்தரபாண்டி (19) ஆகிய 2பேரை கைது செய்து, பைக்கை பறிமுதல் செய்தார். மேலும், அமுதா நகர் சேர்மராஜ் மகன் சக்தி (29) என்பவரை போலீசார் தேடி வருகின்றனர்.