வாணியம்பாடியில் பைக் திருட்டு: இளைஞர்கள் கைது

திருப்பத்தூர் மாவட்டம் வாணியம்பாடி, பெருமாள்பேட்டை கூட்டுசாலை சந்திப்பு பகுதியில் போலீசார் வாகன தணிக்கையில் ஈடுபட்டிருந்தபோது அவ்வழியாக இருசக்கர வாகனத்தில் வந்த நபர்களை நிறுத்தி விசாரணை மேற்கொண்ட போது முன்னுக்கு பின் முரணான பதில் அளித்ததால் சந்தேகமடைந்த போலீசார் இருவரையும் காவல் நிலையத்திற்கு அழைத்துச் சென்று தீவிர விசாரணை மேற்கொண்டுள்ளனர்.

அப்போது வாணியம்பாடி சுற்றுவட்டார பகுதிகளில் இருசக்கர வாகன திருட்டில் ஈடுபட்ட செட்டியப்பனூர் பகுதியை சேர்ந்த முகமது அஜீஸ், கோனாமேடு பகுதியை சேர்ந்த இஸ்மாயில் என விசாரணையில் தெரியவந்துள்ளது.

மேலும் இது குறித்து வழக்கு பதிவு செய்த வாணியம்பாடி நகர போலீசார் இருவரையும் கைது செய்து அவர்களிடமிருந்து 3 இருசக்கர வாகனங்கள் பறிமுதல் செய்து நடவடிக்கை மேற்கொண்டனர்