பைக் திருடியவர் கைது

கள்ளக்குறிச்சி அடுத்த சோமண்டார்குடியைச் சேர்ந்தவர் ரவிக்குமார், 42; இவர் கடந்த டிசம்பர் மாதம் 11ம் தேதி ஸ்பிளண்டர் பைக்கை கள்ளக்குறிச்சி அரசு மருத்துவக் கல்லுாரி மருத்துவமனையில் நிறுத்தி விட்டு, உள்ளே சென்றார். பணிகள் முடிந்து சிறிது நேரம் கழித்து வந்து பார்த்த போது பைக் இல்லாததை கண்டு அதிர்ச்சியடைந்து பல்வேறு இடங்களில் தேடினார். எங்கு தேடியும் கிடைக்காத நிலையில், பைக்கினை கண்டுபிடித்து தரக்கோரி ரவிக்குமார் கள்ளக்குறிச்சி போலீசில் புகார் அளித்தார். விசாரணையில், தர்மபுரி மாவட்டம், நரிப்பள்ளியைச் சேர்ந்த சிவக்குமார், 48; என்பவர் பைக்கை திருடியது தெரிந்தது. இதனையடுத்து சிவக்குமாரை போலீசார் கைது செய்தனர்.