பாரில் இருதரப்பினர் தகராறு - 13 பேர் மீது வழக்கு

சேலம் மாவட்டம் கெங்கவல்லியில், தம்மம்பட்டி செல்லும் சாலையில் டாஸ்மாக் கடையுடன் பார் உள்ளது. இதற்கிடையே நேற்று 74 கிருஷ்ணாபுரத்தை சேர்ந்த செல்வம், சக்திவேல், தனுசு, உள்ளிட்ட 8 பேர் பாரில் வேலை செய்யும் சிலம்பரசனை தாக்கியதாக கூறப்படுகிறது. இதில் காயம் அடைந்த அவர் ஆத்தூர் அரசு மருத்துவமனையில் சிகிச்சை பெற்று வருகிறார். இதுதொடர்பாக அவர் கொடுத்த புகாரின்பேரில் கெங்கவல்லி போலீசார் செல்வம், சக்திவேல் உள்பட 8 பேர் மீது வழக்குப்பதிவு செய்தனர்.மேலும் சிலம்பரசன் நண்பர்கள் தங்களை தாக்கியதாக சசிகுமார் கொடுத்த புகாரின்பேரில் போலீசார் 5 பேர் மீது வழக்குப்பதிவு செய்தனர்.