திமுக நிர்வாகியின் பிறந்தநாள் விழா- எம்எல்ஏ கதிரவன் பங்கேற்பு.

திருச்சி மாவட்டம் சமயபுரம் அருகே மாகாளிக்குடியைச் சேர்ந்தவர் குமார். இவர் விவசாய அணியின் ஒன்றிய செயலாளராகவும் 11வது வார்டு செயலாளராகவும் பதவி வகித்து வருகிறார். இவருக்கு நேற்று பிறந்தநாள் . இந்த பிறந்தநாள் விழாவை முன்னிட்டு அவரது இல்லத்துக்கு வருகை தந்த மண்ணச்சநல்லூர் எம்எல்ஏ கதிரவனுக்கு அப்பகுதி பெண்கள் ஆரத்தி எடுத்து வரவேற்றனர்.பின்னர் பெரிய மாலையை அணிவித்தனர். இதனைத் தொடர்ந்து இல்லத்துக்குச் சென்ற எம்எல்ஏ கதிரவன் பிறந்தநாள் கேக் வெட்டி நிர்வாகிகளுடன் கொண்டாடினார். இந்நிகழ்வில் நகர செயலாளர் மனோகரன், பேரூராட்சி தலைவர் சிவசண்முகக்குமார், கிழக்கு ஒன்றிய செயலாளர் கே.பி.ஏ.செந்தில், மேற்கு ஒன்றிய செயலாளர் செந்தில்குமார் உள்ளிட்ட திமுக நிர்வாகிகள் கலந்து கொண்டனர்.