திமுக கவுன்சிலரை தாக்கிய பா.ஜ., நிர்வாகி கைது

கெங்கவல்லி அருகே தம்மம்பட்டி, உடையார்பாளையத்தை சேர்ந்தவர் நடராஜ், (55). தி.மு.க.,வை சேர்ந்த இவர், தம்மம்பட்டி டவுன் பஞ்சாயத்து, 3வது வார்டு கவுன்சிலராக உள்ளார். கடந்த, 11ல் சுவேதநதி வழியாக சென்றுகொண்டி ருந்தார்.அப்போது எதிரே வந்த, பா.ஜ., ஒன்றிய இளைஞர் அணி நிர்வாகி செல்வக்குமார்(39), சந்தோஷ், கவுதம் ஆகியோர், முன்விரோதம் காரணமாக நடராஜிடம் தகராறில் ஈடுபட்டு மிரட்டி தாக்கியுள்ளனர். இதுகுறித்து அவர், நேற்று அளித்த புகாரின் பேரில் தம்மம்பட்டி போலீசார், செல்வக்குமாரை கைது செய்தனர்.