கள்ளக்குறிச்சியில் பாரதிய ஜனதா கட்சியின் ஆலோசனை கூட்டம்

கள்ளக்குறிச்சியில் மாவட்ட பா.ஜ., சார்பில் 'கிராமம் தோறும் செல்வோம் இயக்கம்' தொடர்பான ஆலோசனைக் கூட்டம் நேற்று நடந்தது. கூட்டத்திற்கு மாவட்ட தலைவர் அருள் தலைமை தாங்கினார்.

பார்வையாளர் ராஜ்குமார் சிறப்புரையாற்றினார். நாடு முழுக்க கட்சியின் சாதனைகளை அறிவிக்கும் வகையில் வீடுதோறும் சென்று பிரசாரம் செய்வதற்கான 'கிராமம்தோறும் செல்வோம்' இயக்க பணிகளின் முக்கியத்துவம் குறித்து ஆலோசனை வழங்கப்பட்டது.

மாவட்ட பொதுச்செயலாளர்கள் ராஜேஷ், தியாகராஜன், பொருளாளர் குமரவேல், துணைத் தலைவர் கஜேந்திரன், சரவணன், காந்திமதி, செயலாளர் ரமேஷ், ஆன்மிக பிரிவு தலைவர் முருகன் உட்பட பலர் பங்கேற்றனர்.