மூன்றாவது முறையாக பாஜக ஆட்சி: டிடிவி தினகரன் நம்பிக்கை

ஸ்ரீரங்கத்தில் ஞாயிற்றுக்கிழமை நடைபெற்ற அமமுக நிா்வாகி இல்லத் திருமணத்தில் கலந்து கொண்ட அவா் செய்தியாளா்களிடம் மேலும் கூறியது: மூன்றாவது முறையாக பாஜக ஆட்சி அமைத்து, மோடி பிரதமராவது உறுதி என்பது அனைவருக்கும் தெரிந்த உண்மை.

அதையே கருத்துக்கணிப்புகளின் முடிவுகள் தெரிவிக்கின்றன. தமிழகத்தில் மாற்றம் உண்டாகுமா எனக் கேட்டதற்கு ஜூன் 4 ஆம் தேதி தெரிந்துவிடும். தோ்தல் முடிவுக்குப் பிறகு அதிமுகவின் தலைமையில் மாற்றம் வருமா எனக் கேட்டதற்கு,

இந்த நேரத்தில் இது தொடா்பாக கருத்து தெரிவிப்பது சரியல்ல. தோ்தல் முடிவுக்குப் பிறகு பேசலாம். மீண்டும் அதிமுகவை உங்கள் கட்டுப்பாட்டில் கொண்டு வரத் திட்டம் உள்ளதா எனக் கேட்டதற்கு, ஜெயலலிதாவின் தொண்டா்கள் அனைவரும் ஒன்றிணைய வேண்டும் என்பதே அனைவரின் விருப்பம்.

அதற்காக தொடா்ந்து பணிகளை மேற்கொண்டு வருகிறோம். தோ்தலுக்குப் பின் அரசியல் கட்சித் தலைவா்கள் அதிகமாக கோயிலுக்குச் செல்கிறாா்களே என்றதற்கு, நான் கோயிலுக்குச் செல்வது வழக்கமான ஒன்று.

இந்த ஒன்றரை மாதம் அதிக வாய்ப்பு கிடைத்தது. அதனால் அதிகமாக கோயிலுக்குச் சென்றேன். ஓபிஎஸ் அணியில் நிா்வாகிகள் மத்தியில் கருத்துவேறுபாடு உள்ளதா என்றதற்கு, அனைத்தும் ஜூன் 4-க்குப் பிறகு சரியாகிவிடும் என்றாா்.

இந்தச் சந்திப்பின்போது, திருச்சி மாநகா் மாவட்ட செயலாளா் செந்தில்நாதன் உள்ளிட்ட நிா்வாகிகள் உடனிருந்தனா்.