வடமாநில ஸ்டைலில் தலைப்பாகை அணிந்து வாக்கு சேகரித்த பா.ஜ.க மகளிரணியினர்

கோவை மாவட்டம் பொள்ளாச்சி மக்களவை தொகுதி பாரதிய ஜனதா கட்சி வேட்பாளர் வசந்தராஜன் தொண்டாமுத்தூர் சட்டமன்ற தொகுதிக்கு உட்பட்ட குனியமுத்தூர், சுண்டக்காமுத்தூர்,பேரூர் உள்ளிட்ட பகுதிகளில் பொதுமக்களை நேரில் சந்தித்து வாக்கு சேகரிப்பில் ஈடுபட்டார்.

இதன் ஒரு பகுதியாக சுண்டக்கா முத்தூர் பகுதியில் பாஜக மகளிர் அணியினர் மற்றும் தொண்டர் அணியினர் தலையில் காவி தலைப்பாகை அணிந்தபடி இருசக்கர வாகனத்தில் ஊர்வலமாக சென்றனர்.

வேட்பாளர் வசந்தராஜன் திறந்த வாகனத்தில் நின்றவாறு பொதுமக்களிடம் தாமரை சின்னத்தில் வாக்களிக்கும் படி பிரச்சாரத்தில் ஈடுபட்டு வருகிறார்.ஓரே மாதிரியாக காவி தலைப்பாகை அணிந்து வடமாநில ஸ்டைலில் பா.ஜ.கவினர் பொள்ளாச்சி மக்களவை தொகுதியில் பிரச்சாரம் மேற்கொண்டு வருவது குறிப்பிடதக்கது.