விக்கிரவாண்டி அருகே ஏரியில் மிதந்த வாலிபர் சடலம்

விழுப்புரம் மாவட்டம் விக்கிரவாண்டி அடுத்த வடகுச்சிபாளையம் ஏரியில் ஆண் ஒருவர் பிணமாக கிடப்பதாக, விக்கிரவாண்டி போலீசுக்கு தகவல் கிடைத்தது. அதன்பேரில் போலீஸ் இன்ஸ்பெக்டர் விநாயக முருகன், சப்-இன்ஸ்பெக்டர் காத்தமுத்து மற்றும் போலீசார் சம்பவ இடத்திற்கு விரைந்து சென்றனர், அங்கிருந்த பொதுமக்கள் உதவியுடன், ஏரி தண்ணீரில் மிதந்தவரின் உடலை மீட்டு, பிரேத பரிசோதனைக்காக முண்டியம்பாக்கம் அரசு மருத்துவக் கல்லூரி மருத்துவ மனைக்கு அனுப்பி வைத்தனர், இறந்தவருக்கு 25 வயது இருக்கும் என்றும், அவர் யார்? எந்த ஊரை சேர்ந்தவர் என்பது பற்றி விபரம் தெரியவில்லை. வாலிபரை யாரேனும் கொலை செய்து ஏரியில் வீசி சென்றார்களா? அல்லது வேறு ஏதேனும் காரணமா? என்று பல்வேறு கோணங்களில் போலீசார் விசாரித்து வருகின்றனர்.