கரூர் அருகே காவிரி ஆற்றில் அடையாளம் தெரியாத ஆண் சடலம் மீட்பு

கரூர் மாவட்டம், வேலாயுதம்பாளையம் காவல் நிலைய எல்லைக்குட்பட்ட, தவிட்டுப்பாளையம் காவிரி ஆற்று பகுதியில் அடையாளம் தெரியாத ஆண் பிணம் ஒன்று தண்ணீரில் மிதப்பதாக, அப்பகுதி பொதுமக்கள் நஞ்சை புகலூர் கிராம நிர்வாக அலுவலருக்கு தகவல் அளித்தனர். தகவலின் பேரில், மே 17ஆம் தேதி காலை 11 மணியளவில், சம்பவ இடத்துக்குச் சென்ற கிராம நிர்வாக அலுவலர் மணிகண்டன்,

அங்கு அடையாளம் தெரியாத ஆண் உடல் இருப்பதை உறுதி செய்தார். இது தொடர்பாக காவல்துறையினருக்கு அளித்த புகாரின் பேரில், சம்பவ இடத்திற்கு விரைந்து வந்த காவல் துறையினர், அடையாளம் தெரியாத ஆண் உடலை மீட்டு, சோதனை மேற்கொண்டதில், 40 முதல் 45 வயது மதிக்கத்தக்க வகையில் இருந்த அந்த நபர் யார்? எந்த ஊரை சேர்ந்தவர்? இங்கு வந்து இறக்க என்ன காரணம்? என்று கோணத்தில் வழக்கு பதிவு செய்து, அடையாளம் காண்பதற்காக அந்த உடலை கரூர் அரசு மருத்துவக் கல்லூரி மருத்துவமனை சவக்கிடங்குக்கு அனுப்பி வைத்து விசாரணை மேற்கொண்டு வருகின்றனர்.