புதுகையில் புத்தக விற்பனைக் கண்காட்சி

புதுக்கோட்டை வடக்கு ராஜ வீதியிலுள்ள மீனாட்சி மஹாலில் வி.ஏ. அபிநயா புத்தக நிலையம் சார்பில் சுமார் 5 ஆயிரம் தலைப்புகளில் சுமார் ஒரு லட்சம் புத்தகங்களைக் கொண்ட புத்தக விற்பனைக் கண்காட்சி கடந்த செவ்வாய்க்கிழமை (மார்ச் 5) தொடங்கி வரும் 31ஆம் தேதி வரை நடைபெறவுள்ளது.

இந்தக் கண்காட்சியில், எழுத்தாளர்கள் பாரதி, பாரதிதாசன், கல்கி, சாண்டில்யன், வைரமுத்து, நா. முத்துக்குமார், சோ, பாலகுமாரன், லட்சுமி,சுஜாதா, ரா.கி. ரங்கராஜன், எஸ். ராமகிருஷ்ணன், கண்ணதாசன், ஜெயகாந்தன், ஜெயமோகன், ஓஷோ, ரமணிச்சந்திரன், வெ.இறையன்பு, வெண்ணிலா, இந்திரா சௌந்தரராஜன் உள்ளிட்ட முன்னணி எழுத்தாளர்களின் நூல்கள் விற்பனைக்கு வைக்கப்பட்டுள்ளன.

நாவல்கள், கவிதை, இலக்கியம், இலக்கணம், மருத்துவம், சுயமுன்னேற்றம், பொதுக் கட்டுரைகள், ஆன்மீகம், ஜோதிடம், குழந்தை வளர்ப்பு, கல்வி, யோகா, சமையல் நூல்கள்,யோகா, சமையல் நூல்கள், போட்டித் தேர்வுக்கான புத்தகங்கள் ஏராளம் குவிக்கப்பட்டுள்ளன.

தினமும் காலை 10 மணிக்கு தொடங்கி இரவு 9 மணி வரை இந்தக் கண்காட்சி திறந்திருக்கும் என்றும், அனைத்து நூல்களுக்கும் 10 சதவிகிதம் பரை தள்ளுபடி வழங்கப்படுவதாகவும் புத்தக கண்காட்சியின் நிர்வாகி விஜயரங்கன் கூறினார். ஞாயிற்றுக்கிழமையும் கண்காட்சி திறந்திருக்கும்.