சங்கரன்கோவிலில் பொதிகை புத்தகத் திருவிழா ஆலோசனைக் கூட்டம்

தென்காசி மாவட்ட பொதிகை புத்தகத் திருவிழா டிச.22 ஆம் தேதி முதல் ஜனவரி 2ஆம் தேதி வரை சங்கரன்கோவிலில் நடைபெறுவதற்கான ஏற்பாடுகளை மாவட்ட நிா்வாகம் செய்து வருகிறது. இதற்காக கோமதிஅம்பாள் அரசு மேல்நிலைப் பள்ளி மைதானத்தில் புத்தகத் திருவிழா நடத்த இடம் தோ்வு செய்யப்பட்டுள்ளது. இந்த புத்தகத் திருவிழாவில் தமிழகத்தில் உள்ள பல்வேறு இலக்கிய ஆளுமைகள் கலந்து கொண்டு பேசுகின்றனா். நாட்டுப்புற கலைஞா்களின் பல்வேறு வகையான கலை நிகழ்ச்சிகள் நடைபெறுகிறது. இது தொடா்பான ஆலோசனைக் கூட்டம் சட்டப்பேரவை உறுப்பினா் அலுவலகத்தில் ஈ. ராஜா எம்எல்ஏ தலைமையில் நடைபெற்றது. கோட்டாட்சியா் சுப்புலட்சுமி, ஓய்வுபெற்ற முன்னாள் மாவட்ட கல்வி அலுவலா் மாரியப்பன், நகர வா்த்தக சங்கத் தலைவா் சி. முத்தையா ஆகியோா் முன்னிலை வகித்தனா். நகரில் உள்ள இலக்கிய அமைப்புகள், தன்னாா்வ தொண்டு நிறுவனத்தினா் உள்ளிட்ட பல்வேறு அமைப்புகளைச் சாா்ந்தவா்கள் கலந்து கொண்டு ஆலோசனைகள் வழங்கினா்.