அமைச்சர் மனோ தங்கராஜ் எழுதிய புத்தகம் வெளியீடு

கன்னியாகுமரி மாவட்ட திமுக மேற்கு மாவட்ட செயலாளரும், தமிழக பால்வளத்துறை அமைச்சருமான மனோ தங்கராஜ் எழுதிய மன் கீ பாரத் -மனதின் குரலுக்கு ஓர் இனிய குடிமகனின் 108 கேள்விகள் என்ற புத்தகம் வெளியீட்டு விழா நாகர்கோவிலில் நேற்று நடந்தது.

நிகழ்ச்சிக்கு அமைச்சர் மனோ தங்கராஜ் தலைமை வகித்தார். புத்தகத்தை தமிழ்நாடு சிறுபான்மையினர் ஆணைய தலைவர் பீட்டர் அல்போன்ஸ் வெளியிட்டார். முதல் பிரதியை திட்டக் குழு துணை தலைவர் ஜெயரஞ்சன் பெற்றுக் கொண்டார். இந்த நிகழ்ச்சியில் கிள்ளியூர் எம்எல்ஏ ராஜேஷ் குமார், முன்னாள் அமைச்சர் சுரேஷ்ராஜன், மதிமுக மாவட்ட செயலாளர் வெற்றிவேல், மார்க்சிஸ்ட் மாவட்ட செயலாளர் செல்லசாமி, முன்னாள் எம்பி பெல்லார்மின் உட்பட பலர் பேசினர். முன்னாள் எம்எல்ஏ புஷ்பா லீலா ஆல்பன், திமுக மாநில செயற்குழு உறுப்பினர் ரெமோன் மனோ தங்கராஜ் உட்பட பலர் கலந்து கொண்டனர்.