மது பாட்டில் கடத்தியவர் கைது

சின்னசேலம் அடுத்த நயினார்பாளையம் கிராமத்தில் மதுபாட்டில்கள் பதுக்கி வைத்திருப்பதாக கள்ளக்குறிச்சி மதுவிலக்கு அமல்பிரிவு போலீசாருக்கு தகவல் கிடைத்தது. இன்ஸ்பெக்டர் கவிதா தலைமையிலான போலீசார் நேற்று முன்தினம் அப்பகுதியில் சோதனையில் ஈடுபட்டனர். அதில் செல்வராஜ், 49; என்பவர் தனக்கு சொந்தமான கூரை வீட்டில் 15 அட்டை பெட்டிகளில் 180 பீர் பாட்டில்கள், 20 அட்டை பெட்டிகளில் 960 குவார்ட்டர் மதுபாட்டில்களை விற்பனைக்காக பதுக்கி வைத்திருந்தது தெரியவந்தது. இதனையடுத்து 2 லட்சம் ரூபாய் மதிப்பிலான மதுபாட்டில்களை போலீசார் பறிமுதல் செய்து, செல்வராஜ் மீது வழக்குப் பதிந்து கைது செய்தனர்.