பாலக்கோடு பகுதிகளில் பைக் திருடிய சிறுவன் கைது.

தர்மபுரி மாவட்டம், 08/12/2023. பாலக்கோடு பகுதிகளில் மோட்டார் சைக்கிள் திருடிய சிறுவன் கைது. காப்பகத்தில் அடைப்பு . 4 மோட்டார் சைக்கிள்கள் பறிமுதல். தர்மபுரி மாவட்டம் பேளாரஅள்ளி கிராமத்தை சேர்ந்த கட்டிட மேஸ்திரி ஈஸ்வரன் (வயது.47). இவரும் இவரது தம்பி தமிழ்செல்வன் (வயது.42) இருவரும் பாலக்கோடு தக்காளி மண்டி அருகில் தங்களது மோட்டார் சைக்கிள்களை நிறுத்திவிட்டு அருகில் கட்டிட வேலை செய்து கொண்டிருந்தனர். வேலை முடிந்து மாலை வந்து பார்த்த போது 2 மோட்டார் சைக்கிள்களை யாரோ திருடி சென்றது தெரிய வந்தது, இது குறித்து ஈஸ்வரன் பாலக்கோடு போலீசில் புகார் அளித்தார். வழக்கு பதிவு செய்து சி.சி.டி.வி கேமரா காட்சி பதிவுகளை வைத்து விசாரித்து வந்த நிலையில் அண்ணாமலைஅள்ளியை சேர்ந்த 17 வயது சிறுவன் திருடியது தெரிய வந்தது. சிறுவனை பிடித்து விசாரித்ததில் மொத்தம் 4 மோட்டார் சைக்கிள்கள் திருடியது தெரிய வந்தது. 4 மோட்டார் சைக்கிள் களையும் பறிமுதல் செய்த போலீசார் சிறுவனை வை செய்து சேலம் சிறுவர் காப்பகத்தில் ஒப்படைத்தனர்.