வேன் மீது பைக் மோதல்: சிறுவன் பலி

திருக்கோவிலுார் அடுத்த கொடுக்கப்பட்ட கிராமத்தைச் சேர்ந்தவர் சிவக்குமார் மகன் நவீன், 17; தனது நண்பர்களான 9ம் வகுப்பு படிக்கும் ரமேஷ் மகன் சந்தோஷ், 14; ராமசாமி மகன் கிஷோர், 19; ஆகியோர் ஒரே பைக்கில் நேற்று மதியம் 1:30 மணி அளவில் திருக்கோவிலுார் நோக்கி சென்று கொண்டிருந்தனர். தென்பெண்ணை ஆற்று உயர்மற்ற பாலத்தில் செல்லும் பொழுது, எதிரில் வந்த வேன் பைக் மீது மோதியது. இதில் நவீன் சம்பவ இடத்திலேயே இறந்தார். சந்தோஷ், கிஷோர் இருவரும் திருக்கோவிலுார் அரசு மருத்துவமனையில் சேர்த்தனர். தகவல் அறிந்த அரகண்டநல்லுார் போலீசார் சம்பவ இடத்திற்கு சென்று வேனை ஓட்டி வந்த திருவாரூர் மாவட்டம், திருக்கருகாவூரைச் சேர்ந்த முனியப்பன் மகன் தியாகராஜன், 33; மீது வழக்கு பதிந்து விசாரித்து வருகின்றனர்.