ஆசியா பசிபிக் யோகாவில் தங்கம் வென்ற சிறுவன்

சா்வதேச அளவிலான ஆசியா பசிபிக் யோகா போட்டியில் தங்கப் பதக்கம் வென்ற பெண் தலைமை காவலரின் மகனுக்கு காவல் துறை சாா்பில் பாராட்டு தெரிவிக்கப்பட்டது.

தாய்லாந்தின் பாங்காக் நகரில் நடைபெற்ற 3ஆவது ஆசியா பசிபிக் யோகா போட்டியில், புளியங்குடி அனைத்து மகளிா் காவல் நிலைய பெண் தலைமைக் காவலா் சைலாவின் மகன் முகில் வா்ஷன் (14) பங்கேற்று தங்கப் பதக்கம் பெற்றாா். இந்நிலையிவ், அச்சிறுவனை நேரில் வரவழைத்து தென்காசி மாவட்ட காவல் கண்காணிப்பாளா் டி.பி.சுரேஷ்குமாா் பொன்னாடை அணிவித்து பாராட்டினாா். மேலும் பல பதக்கங்களை வெல்ல வாழ்த்துகளை தெரிவித்தாா்.