வீட்டின் கதவை உடைத்து நகை பணம் திருட்டு

கள்ளக்குறிச்சி ஏமப்பேர், முல்லை நகரை சேர்ந்தவர் வெங்கடேசன்,54. கடந்த 10ம் தேதி காலை 9:30 மணியளவில் வெங்கடேசன் குடும்பத்தினர் வீட்டை பூட்டிவிட்டு பெங்களூரு சென்றனர். மறுநாள் வந்த போது, முன்பக்க கேட் உடைந்திருப்பதை கண்டு அதிர்ச்சியடைந்தனர். உள்ளே சென்று பார்த்தபோது, பீரோவை உடைத்து, அதில் இருந்த 6 சவரன் நகை, 1 கிலோ வெள்ளி பொருட்கள் மற்றும் 20 ஆயிரம் பணம் ஆகியவற்றை மர்மநபர்கள் திருடி சென்றது தெரிந்தது. புகாரின் பேரில், கள்ளக்குறிச்சி போலீசார் சம்பவ இடத்துக்கு சென்று, தடயங்களை சேகரித்தனர். இச்சம்பவம் குறித்து கள்ளக்குறிச்சி போலீசார் வழக்கு பதிந்து, நகை, பணத்தை திருடி சென்ற மர்ம நபர்களை தேடி வருகின்றனர்.