தொழிலதிபர் வீட்டின் பூட்டை உடைத்து ரூ.1 லட்சம் கொள்ளை

தூத்துக்குடி சிதம்பர நகர் 3வது தெருவைச் சேர்ந்தவர் மந்திரம் மகன் உலகநாதன் (52). இவர் உலர்பூ ஏற்றுமதி நிறுவனம் நடத்தி வருகிறார். நேற்று இவரது மனைவி வீட்டை பூட்டி விட்டு உறவினர் வீட்டுக்கு சென்று விட்டாராம். உலகநாதன் இரவு 9 மணி அளவில் வீட்டிற்கு வந்து பார்த்தபோது வீட்டின் பூட்டுக்கள் உடைக்கப்பட்டிருந்தது. மேலும் பீரோவில் வைத்திருந்த ரூ.1லட்சம் பணம் திருடுபோயிருந்தது. இதுகுறித்து அவர் தென்பாகம் காவல் நிலையத்தில் புகார் செய்தார். அதன் பெயரில் சப் இன்ஸ்பெக்டர் ஆர்தர் ஜஸ்டின் சாமுவேல் ராஜ் வழக்கு பதிவு செய்து விசாரணை நடத்தி வருகிறார். அப்பகுதியில் உள்ள சிசிடிவி காட்சிகளை ஆய்வு செய்து பணத்தை திருடிய மர்ம நபர்களை போலீசார் தேடி வருகின்றனர்.