கடையின் பூட்டை உடைத்து ரூ.58 ஆயிரம் திருட்டு

தூத்துக்குடி அருகேயுள்ள புதுக்கோட்டை மெயின் ரோட்டில் பலசரக்குக் கடை நடத்தி வருபவர் விஜயகுமார் மகன் ஜெபின்ராஜ் (30). இவர் நேற்று இரவு 11 மணிக்கு கடையை பூட்டிவிட்டு வீட்டுக்கு சென்றுள்ளார். பின்னர் இன்று காலை 6 மணிக்கு கடையை திறந்தபோது கடையில் உள்ள ஷட்டர் பூட்டுக்கள் உடைக்கப்பட்டு கிடந்ததை கண்டு அதிர்ச்சி அடைந்தார். மேலும் கடை முன்பு பொருத்தப்பட்டிருந்த 3 சிசிடிவி கேமராக்களும் உடைக்கப்பட்டு கிடந்தது. 3 கேமராக்கள் திசை மாற்றி வைக்கப்பட்டிருந்தது. உடனடியாக கடைக்குள் சென்று பார்த்த போது கடையில் இருந்த கேமரா கம்ப்யூட்டர் ஹார்டிஸ்க், கல்லாவில் இருந்த ரூ.58 ஆயிரம் பணம் ஆகியவற்றை மர்ம ஆசாாமிகள் திருடி சென்றது தெரியவந்தது.இதுகுறித்து புதுக்கோட்டை காவல் நிலையத்தில் ஜெபின் ராஜ் புகார் செய்தார். புகாரின் பேரில் இன்ஸ்பெக்டர் வனசுந்தர், சப் இன்ஸ்பெக்டர் ஞானராஜ் மற்றும் போலீசார் சம்பவ இடத்திற்கு சென்று விசாரணை நடத்தினர். மேலும் கைரேகை நிபுணர்கள் கடையில் உள்ள கைரேகைகளை பதிவு செய்தனர். இது சம்பந்தமாக போலீசார் வழக்கு பதிவு செய்து மர்ம நபர்களை தேடி வருகிறார்கள்.