குளச்சல் பகுதியில் வீடுகளில் புகுந்து  நகை திருட்டு  !

கன்னியாகுமரி மாவட்டம் குளச்சல் அருகே உள்ள கள்ளியடைப்பு பகுதியில் நேற்று முன்தினம் நள்ளிரவு மர்ம நபர் ஒருவர் தொழிலாளியின் வீட்டில் திருட முயற்சித்தார். அப்போது அந்த வீட்டில் உள்ள நாய் குரைத்ததால் மர்ம நபர் அங்கிருந்து தப்பி, பக்கத்து வீட்டு கதவை உடைத்து உள்ளே புகுந்து, அந்த வீட்டில் இருந்த மூதாட்டி மார்சலின் (65) என்பவரின் கழுத்தில் கிடந்த ஏழரைப்பவன் தங்கச் சங்கிலி பறித்தார்.

உடனே மூதாட்டி ஒரு கையால் சங்கிலிகள் பிடித்து விட்டு மறு கையால் மர்ம நபரை இறுகப் பிடித்துக் கொண்டதால் மர்ம நபர் அணிந்திருந்த லுங்கியை அவிழ்த்து போட்டுவிட்டு தங்க சங்கிலியுடன் தப்பி ஓடினார்.

பின்னர் அந்த நபர் அந்த பகுதியில் தென்னை மரம் ஏறும் தொழிலாளி செல்லத்துரை (68) என்பவர் வீட்டில் பின்பக்க கதையை உடைத்து வீட்டுக்குள் புகுந்து செல்ல துரையின் மனைவி தங்கம் (60) என்பவர் கழுத்தில் கிடந்த மூன்றரை பவன் தங்க செயினை பறித்துவிட்டு தப்பி சென்றுள்ளார். இந்த தொடர் சம்பவம் குறித்து குளச்சல் போலீசில் புகார் செய்யப்பட்டது. போலீசார் சம்பவ இடங்களை பார்வையிட்டு விசாரணை நடத்தினர்.