கெங்கவல்லி அருகே மரத்தில் பஸ் மோதி விபத்து

கெங்கவல்லி: கெங்கவல்லி அருகே, புளியமரத்தில் மோதிய விபத்தில் அதிர்ஷ்டவசமாக 10 பயணிகள் உயிர் தப்பினர்.தம்மம்பட்டியில் இருந்து கூடமலை, கடம்பூர் வழியாக, நேற்று இரவு டவுன் பஸ் ஆத்தூருக்கு வந்து கொண்டி ருந்தது. பஸ்சை செந்தாரப்பட்டியை சேர்ந்த சந்தீர்கபூர் என்பவர் ஓட்டினார். பஸ்சில் 10க்கும் மேற்பட்ட பயணிகள் இருந்தனர். இதில் ஒத்தலக்காடு பக்கம் வந்த போது, எதிரே வந்த மற்றொரு அரசு பஸ் மீது மோதாமல் இருக்க பஸ்சை டிரைவர் திருப்பினார். அப்போது சாலையில் இருந்த புளியமரத்தில் டவுன் பஸ் மோதியது. இதில் பஸ்சில் முன்பக்க கண்ணாடி உடைந்து நொறுங்கியது. பஸ்சில் பயணித்தவர்கள் காயமின்றி அதிர்ஷ்டவசமாக உயிர் தப்பினர். விபத்து குறித்து தகவல் அறிந்த போலீ சார் விரைந்து வந்து விசாரணை நடத்தினர்.